ತಮ್ಮ ಡಿವೋರ್ಸ್ ಸುದ್ದಿ ಇಷ್ಟು ದೊಡ್ಡದಾಗಲು ಯಾರು ಕಾರಣ ಎಂದು ತಿಳಿಸಿದ ಮಾಸ್ಟರ್ ಆನಂದ್ : ಕೇಳಿ ಎಲ್ಲರೂ ಶಾಕ್ ?
ಕೆಲವು ದಿನಗಳ ಹಿಂದಷ್ಟೇ ಕಿರುತೆರೆಯ ಜನಪ್ರಿಯ ನಿರೂಪಕ ಮಾಸ್ಟರ್ ಆನಂದ್ ಮತ್ತು ಅವರ ಪತ್ನಿ ಯಶಸ್ವಿನಿ ಮಾಸ್ಟರ್ ಆನಂದ್ ವಿಚ್ಛೇದನ ಪಡೆಯಲಿದ್ದಾರಂತೆ ಎಂಬ ಅಂತೆ-ಕಂತೆ ಹಬ್ಬಿತ್ತು. ಈ ಗಾಳಿಸುದ್ದಿ ಮಾಸ್ಟರ್ ಆನಂದ್ ದಂಪತಿಯ ಕಿವಿಗೂ ಬಿದ್ದಿತ್ತು. ಯಶಸ್ವಿನಿ ಆನಂದ್ ಅವರು ಒಂದು ರೀಲ್ಸ್ ಮಾಡಿ, ಅದನ್ನ ತಮ್ಮ ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದರು. ಇದಕ್ಕೆ ಮಹಿಳೆಯೊಬ್ಬಳು “ನೆಕ್ಸ್ಟ್‌ ಡಿವೋರ್ಸ್ ಲೋಡಿಂಗ್” ಎಂದು ಕಾಮೆಂಟ್‌ ಹಾಕಿದ್ದರು.
ಸಿನಿ ಇಂಡಸ್ಟ್ರಿಯಲ್ಲಿ ಮದುವೆಯಷ್ಟೇ ವೇಗದಲ್ಲಿ ಡಿವೋರ್ಸ್ ಕೂಡ ಆಗುತ್ತಿರುವ ಕಾರಣ ಯಾವುದೇ ಜೋಡಿ ವಿಚ್ಛೇದನ ಪಡೆಯುತ್ತಿದ್ದಾರೆ ಎಂದರೆ, ಅದು ಅಚ್ಚರಿ ತರುವ ವಿಷಯವಾಗಿ ಉಳಿಯುತ್ತಿಲ್ಲ. ಸ್ಥಿತಿ ಹೀಗಿರುವಾಗ ಮಾಸ್ಟರ್ ಆನಂದ್ ಮತ್ತು ಪತ್ನಿ ನಡುವೆ ಬಿರುಕು ಮೂಡಿರುವ ಸುದ್ದಿ ಕ್ಷಣ ಮಾತ್ರದಲ್ಲಿ ವೈರಲ್‌ ಆಗಿ ಹೋಗಿತ್ತು. ಇದು ಹೇಗೆ ವೈರಲ್‌ ಆಯಿತೋ ಗೊತ್ತಿಲ್ಲ. ಆದರೆ ಇದರ ಮಧ್ಯೆಯೇ, ಯಶಸ್ವಿನಿ ಅವರು ಷಾರ್ಟ್ ಡ್ರೆಸ್‌ ಧರಿಸಿ ಹಾಟ್‌ ಡಾನ್ಸ್ ರೀಲ್ಸ್ ಮಾಡುವ ಮೂಲಕ ಮತ್ತಷ್ಟು ಸದ್ದು ಮಾಡಿಬಿಟ್ಟರು. ಕೊನೆಗೆ ಇದೇ ವಿಚ್ಛೇದನಕ್ಕೆ ಕಾರಣ ಎನ್ನುವಷ್ಟರ ಮಟ್ಟಿಗೆ ಸದ್ದು ಮಾಡಿತು.
ಅದೇನೇ ಇದ್ದರೂ, ಚಿಕ್ಕ ಚಿಕ್ಕಡ್ರೆಸ್‌ನಲ್ಲಿ ಹಾಟ್‌ ಆಗಿ ಯಶಸ್ವಿನಿ ಅವರು ರೀಲ್ಸ್ ಮಾಡುವುದನ್ನು ಆನಂದ್ ಅವರ ಫ್ಯಾನ್ಸ್‌ ಸಹಿಸುತಿಲ್ಲ. 'ಯಶಸ್ವಿನಿ ಅವರೇ ಆಡ್ಕೊಂಡವರ ಬಾಯಿಗೆ ತುತ್ತಾಗಬಾರದು. ಅದೇ ನೀವು ಸೀರೆ ಉಟ್ಟು ಡಾನ್ಸ್ ಮಾಡಿ ನೋಡಿ. ರೆಸ್ಪಾನ್ಸ್ ಹೆಂಗಿರುತ್ತೆ ಅಂಥ. ಚಿಕ್ಕ ಚಿಕ್ಕ ಬಟ್ಟೆ ಹಾಕ್ಕೊಂಡು ಪಬ್ಲಿಕ್ ಮೀಡಿಯಾದಲ್ಲಿ ಇದೆಲ್ಲಾ ತುಂಬಾ ಜನ ನೋಡತಾರೆ. ಎಲ್ಲರ ಯೋಚನೆನೂ ಒಂದೇ ತರ ಇರಲ್ಲ ಅಲ್ವಾ
ಸಂದರ್ಶನವೊಂದರಲ್ಲಿ ಮಾತನಾಡಿದ ಆನಂದ್ “ಡಿವೋರ್ಸ್ ಅನ್ನುವ ಒಂದೇ ಒಂದು ಪದ ಇಟ್ಟುಕೊಂಡು ಈ ವಿಚಾರಕ್ಕೆ ಇನ್ನೂ ಏನೇನೋ ತಿರುವು ಕೊಟ್ಟರು. ಅವರು ಯಾರು ಮತ್ತು ಅವರ ಕಾಂಟ್ಯಾಕ್‌ ಡೀಟೇಲ್ಸ್‌ ಎಲ್ಲವನ್ನು ನಾನು ಕಲೆಕ್ಟ್‌ ಮಾಡಿದೆ. ನಮ್ಮ ಹೆಸರನ್ನು ಬಳಸಿಕೊಂಡು ಎಷ್ಟೋ ಜನ ಊಟ ಮಾಡುತ್ತಿದ್ದಾರೆ. ಮಾಡಲಿ ಬಿಡಿ ಪಾಪಾ ಅಂತ ಸುಮ್ಮನಾದೆ. ಆದರೆ ಯಶಸ್ವಿನಿ ಆ ಕಾಮೆಂಟ್‌ಗೆ ರಿಪ್ಲೇ ಯಾಕೆ ಮಾಡಬೇಕಿತ್ತು? ಇಂತಹ ವಿಚಾರಗಳಿಗೆಲ್ಲಾ ರಿಪ್ಲೈ ಕೊಡಬಾರದಿತ್ತು, ಎಂದು ಪತ್ನಿ ಯಶಸ್ವಿನಿಗೆ, ಮಾಸ್ಟರ್ ಆನಂದ್ ಸಲಹೆ ನೀಡಿದ್ದಾರೆ. ಒಂದು ರೀತಿಯಲ್ಲಿ ತಮ್ಮ ಡಿವೋರ್ಸ್ ಸುದ್ದಿ ಇಷ್ಟು ದೊಡ್ಡದಾಗಲು ತನ್ನ ಹೆಂಡತಿಯೇ ಕಾರಣ ಎಂದು ಇಂಡೈರೆಕ್ಟ್ ಆಗಿ ಹೇಳಿದ್ದಾರೆ
ಮಾಧ್ಯಮವೊಂದಕ್ಕೆ ನೀಡಿರುವ ಸಂದರ್ಶನದಲ್ಲಿ ಮಾಸ್ಟರ್ ಆನಂದ್ ಮತ್ತು ಪತ್ನಿ ಯಶಸ್ವಿನಿ ಮಾತನಾಡಿದ್ದು, ಡಿವೋರ್ಸ್ ಸುದ್ದಿ ಹರಡಲು ಕಾರಣವನ್ನು ತಿಳಿಸಿದ್ದಾರೆ. ಈ ಸಂದರ್ಭದಲ್ಲಿ, ಯಾವುದೋ ಪೋಸ್ಟ್ಗೆ ಕಮೆಂಟ್ ಮಾಡಿದ ಪತ್ನಿ ಮೇಲೆ ಆನಂದ್ ಅಸಮಾಧಾನ ಹೊರಹಾಕಿದ್ದಾರೆ.ಅಷ್ಟಕ್ಕೂ ಮಾಸ್ಟರ್ ಆನಂದ್ ಮತ್ತು ಪತ್ನಿ ಯಶಸ್ವಿನಿ ಅವರ ನಡುವಿನ ವಿಚ್ಛೇದನ ಸುದ್ದಿ ಕೆಲ ತಿಂಗಳಿನಿಂದ ಸ್ಯಾಂಡಲ್‌ವುಡ್‌ ಅನ್ನು ಬರಸಿಡಿಲಿನಂತೆ ಬಡಿದಿತ್ತು.