ಮಜಾ ಟಾಕೀಸ್ ಗಾಯಕಿ ರೆಮೋ ಬಾಳಲ್ಲಿ ಬಿರುಗಾಳಿ 5 ವರ್ಷದ ಪುಟ್ಟ ಮಗಳ ಕರ್ಕೊಂಡು ಮನೆ ಬಿಟ್ಟರು; ಮುಂದೇನಾಯ್ತು ನೋಡಿ ?
ಇವರ ಒರಿಜಿನಲ್ ಹೆಸರು ರೇಖಾ ಮೋಹನ್. ಆದರೆ, ರೆಮೋ ಎಂದೇ ಫೇಮಸ್. ಲೇಡಿ Rambo ರೀತಿ ಇರೋ ರೆಮೋ ಮಜಾ ಟಾಕೀಸ್ ವಿಶೇಷ ಆಕರ್ಷಣೆ. ಸೃಜನ್‌ ಲೋಕೇಶ್ ಸ್ಟೇಜ್‌ ಮೇಲೆ ಒಂದಾದ ಮೇಲೊಂದರಂತೆ ನಗೆ ಬಾಂಬ್ ಸಿಡಿಸುತ್ತಿದ್ದರೆ, ಈ ಹೆಣ್ಣು ಮಗಳು ಬ್ಯಾಕೆಂಡಲ್ಲಿ ಸೈಲೆಂಟ್ ಬಾಂಬ್ ಹಾಕಿಸಿ ಮತ್ತಷ್ಟು ನಗಿಸುತ್ತಾರೆ.ಮಜಾ ಟಾಕೀಸ್ ಮೂಲಕ ಸದಾ ನಗಿಸುತ್ತಿದ್ದ ರೆಮೋ ಸ್ಟ್ರಾಂಗ್ ಲೇಡಿ ಎನ್ನುವುದು ಸೂಪರ್ ಕ್ವೀನ್ ರಿಯಾಲಿಟಿ ಶೋನಲ್ಲಿ ಅನಾವರಣಗೊಂಡಿತ್ತು. ಆಗ ರೆಮೋ ಬದುಕಿನ ಕಹಿ ಕ್ಷಣಗಳನ್ನು ಕೇಳಿದ ನೋಡಗರ ಕಣ್ಣಲ್ಲೂ ನೀರು ಬಂದಿದ್ದು ಸುಳ್ಳಲ್ಲ. ಇಷ್ಟೆಲ್ಲ ನೋವಿದ್ದರೂ, ಎಲ್ಲರನ್ನೂ ನಕ್ಕು ನಗಿಸುವುದು ಹೇಗೆ ಸಾಧ್ಯವೆಂದು ಮರಗಿದ್ದರು.
ಅವರ ಬದುಕಿನ ಕಥೆ ಕೇಳಿದ ವೀಕ್ಷಕರು ಇಷ್ಟೊಂದು ನೋವನ್ನು ಮನಸ್ಸಲ್ಲಿ ಮುಚ್ಚಿಟ್ಟು ಈಕೆ ಅದ್ಹೇಗೆ ನಗಿಸ್ತಾರೆ ಅಂತ ಅಚ್ಚರಿ ಪಟ್ಟಿದ್ದಾರೆ. ಚಿಕ್ಕ ವಯಸ್ಸಿಂದಲೂ ರೆಮೋ ಸಖತ್ ಸ್ಟ್ರಾಂಗ್. ಅವರು ತೊಟ್ಕೊಳ್ಳೋ ಡ್ರೆಸ್, ಅವರ ಸ್ಟೈಲ್ ನೋಡಿದ್ರೆ ಈಕೆ ಸಖತ್ ಡ್ಯಾಶಿಂಗ್ ಲೇಡಿ ಅನ್ನೋದು ಗೊತ್ತಾಗುತ್ತೆ
ಆರ್ಕೆಸ್ಟ್ರಾಗಳಲ್ಲಿ ಹಾಡುತ್ತಿದ್ದ ರೆಮೋ ಮದುವೆ ಆಗಿದ್ದು ತನಗಿಂತ 13 ವರ್ಷ ದೊಡ್ಡವರನ್ನು. ಅಲ್ಲಿಯೇ ಪರಿಚಿತರಾಗಿ, ಸ್ನೇಹಿತರಾಗಿ ಮನಸ್ಸಿನೊಳಗೂ ಬಂದವನನೊಂದಿಗೆ ರೆಮೋ ದಾಂಪತ್ಯಕ್ಕೆ ಕಾಲಿಟ್ಟರು. ಇವರ ಪ್ರೀತಿ ಮುಂದೆ ಮನೆಯವರ ವಿರೋಧ ವರ್ಕ್ ಆಗಲಿಲ್ಲ. ಎಲ್ಲರನ್ನೂ ವಿರೋಧಿಸಿಯೇ ಮದ್ವೆಯಾದರು.
ವೈವಾಹಿಕ ಬದುಕಿಗೆ ಹಲವು ಕನಸುಗಳೊಂದಿಗೆ ಕಾಲಿಟ್ಟ ರೆಮೋಗೆ ಗಂಡನ ಮನೆ ಬರೀ ಮುಳ್ಳಿನ ಹಾದಿಯಾಗಿತ್ತು. ನಿರೀಕ್ಷಿಸಿದ ಪ್ರೀತಿ ದಕ್ಕಲೇ ಇಲ್ಲ. ಮನೆಯಲ್ಲಿ ಮೂಲೆ ಗುಂಪಾದರು. ಕಾಲ ಕಳೆಯಿತು. ಬದುಕಲ್ಲಿ ಏನೂ ಬದಲಾಗಲಿಲ್ಲ. ಸಾಕು ಇಂಥ ನರಕ ಎಂದು ನಿರ್ಧರಿಸಿದರು. ಮೈ ಕೊಡವಿ ಮೇಲೆದ್ದರು. 5 ವರ್ಷದ ಪುಟ್ಟ ಮಗಳ ಕರ್ಕೊಂಡು ಮನೆ ಬಿಟ್ಟರು. ಕೈಯಲ್ಲಿ ಚೂರು ದುಡ್ಡಿರಲಿಲ್ಲ. ಮಗಳ ಜೊತೆ ತನ್ನ ಬದುಕೂ ನಡೆಯಬೇಕು. ಛಲಗಾತಿ ಹೆಣ್ಣುಮಗಳು ಎಲ್ಲೆಡೆ ಹಾಡು ಹೇಳಿಯೇ ಜೀವನ ಕಟ್ಟಿ ಕೊಳ್ತಾರೆ. ಮಗಳನ್ನು ಮಲಗಿಸಿ, ತಮ್ಮ ಜೀವನಕ್ಕೆ ಮರಗುತ್ತಿದ್ದರಂತೆ ಈ ರೆಮೋ. ಬದುಕಿರುವುದೇ ಮಗಳಿಗಾಗಿ. ಮಗಳ ಜೀವನ ಚೆನ್ನಾಗಿರಬೇಕೆಂದು ಭಾವುಕರಾಗಿದ್ದರು ಈ ರಿಯಾಲಿಟಿ ಶೋನಲ್ಲಿ ಗಾಯಕಿ. ( video credit ; Media House Kannada)